真正香港人的聖誕歌 黃霑－又到聖誕1989

二十年後的香港，回歸十二年的香港，有幾多事我們改變了，失去了？

霑叔離開我們已久，估不到他在歌裡頭說的「同胞一德一心　會將牆撞冧」，是那中國那道GFW；「同志無曬事　任我地自由」是連澳門都去不了；「人權自由民主已熱紅我心」發生在中聯辦門口。

聽到霑叔那一把鬼馬可愛的聲音，我竟然笑不出來。

是我對香港感到太悲觀嗎？

Via seablue



又到聖誕
（Santa Claus Is Coming To Town）
喂　又到聖誕　啦　又到聖誕
下個聖誕有無今年咁嘆
鄧小平is coming to town
趁又到聖誕　人就要嘆啦
第處聖誕有無香港咁嘆
阿鉅子誠都怕且就 yang
八番次共你聚聚　唱歌搭住晚飯
九七先至諗大鑊飯　係要今年玩多晚
趁佢又到聖誕　人扮0下懶
伴你嘆0下　撇甩左阿燦
趁鄧小平未黎到自己嘆 哈
八番次共你聚聚　唱歌搭住晚飯
九七先至諗大鑊飯　係要今年玩多晚
趁佢又到聖誕　人扮0下懶
伴你嘆0下　撇甩班阿燦
趁鄧小平未黎到自己嘆 哈


跳啦老豆
（Silent Night）
跳啦老豆　跳啦老豆　依家就跳夠喉
係話乜都會照舊　但係怕佢一轉左 tun 後
總之今晚跳先　聽朝事聽朝先抖
笑啦老豆　笑啦老豆　九七後怕應酬
但係今天不靠左靠右
儘量 long weekend 散多兩舊
總之依大個口　出年事出年追究
do . . do . . do . . do . .
醉啦老豆　醉啦老豆　酒精係你汽油
茅台 XO 都殺啦老豆 自便加冰水雪啦老豆
總之乜都係趁手　今晚未必有回頭


乜鬼都買
（Joy To The World）
乜鬼都買　好鬼高興
Christmas shopping shopping
一九九七一早注定　新衫新錶應早買定
莫待日後賣清　到時頭暈頭慶
買件油多都要話睇身份證
今天不買　他朝盞慶　
Shouting 小平　小平
因此今天不必冷靜　沙堡罌撐一早買定
莫待日後買清　到時頭暈頭慶
買盒牙簽都要話擔心呃秤


香港長是我的家
（We Three Kings Of The Orient Are）
香港你長是我的家　風打雨淋係我聖地
我愛香港　萬年亦不變　點肯點忍你別離
啊　我會發狂抱住你　我要永恒照住你
我愛 Hong Kong We Love Hong Kong
愛國愛民愛護你
香港你長是我的家　千千百年係我聖地
我愛香港　熱誠絕不變　點都不會別離
啊　我會有頭有尾　永遠永恒照住你
我愛 Hong Kong We Love Hong Kong
愛國愛民愛護你


我發奮做人
（Away In A Manger）
一想起中國　我發奮做人
長懷熱誠民主與自由既心
一想起東西德　我發力做人
同胞一德一心　會將牆撞冧
一想起中國　我發奮做人
抬頭望埋架仔　就自然勇敢
歐洲加洲乜洲　我拍住做人
同保可愛香港　要佢將來莫冧
一想起中國　我發奮做人
人權自由民主已熱紅我心
一想起淺水灣　我搏命做人
同保可愛香港　再講明就 chum


祝你聖誕快樂
（We Wish You A Merry X＇mas）
從聖誕想到日後　若果他朝一切未舊
如果九七肯押後　人人未洗換竇
同志無曬事　任我地自由
我個陣既家財　銀行十間未夠
臨聖誕許個願望　望香江好到日後
唔洗九七押後　人人停止互鬥
同志你快樂　換我地自由
我祝福你身裁　同埋肥肥互鬥


又到聖誕
（Santa Claus Is Coming To Town）
喂　又到聖誕　又到聖誕
下個聖誕有無今年咁嘆
鄧小平 is coming to town
趁又到聖誕　人就要嘆啦
第處聖誕有無香港咁嘆呀
巨子誠都怕且就 yang 咯
八番次共你聚聚　唱歌搭住晚飯
九七先至諗大鑊飯　係要今年玩多晚
趁佢又到聖誕　人扮0下懶
伴你嘆0下　撇甩左阿燦
趁鄧小平未黎到自己嘆
趁鄧小平未黎到自己嘆


歌曲來源 : plunder